Wasanii Wahakikishiwa Kuondolewa Vikwazo Kurekodi Kazi zao Maeneo ya Hifadhi

Naibu Waziri wa Maliasili na Utalii, Kanyasu Constatine amewahakikishia wasanii wote nchini kuwa katika kipindi chake cha Uongozi  ataondoa vikwazo vyote vilivyokuwa vinapelekea wasitumie madhari ya vivutio vya utalii vilivyopo  nchini wakati wa kutengeneza kazi zao Sanaa.


Pia, Amewataka wasanii na watu maarufu  wapende vitu vya kwao badala ya kuona ufahali wa kuitumia madhari za nchi nje ilhali Tanzania imejali kuwa kuwa utajiri wa mandhari za kipekee na zenye mvuto wa hali ya juu.
Akizungumza Jijini Dar es Salaam kwenye hafla iliyoandaliwa na Wizara ya Maliasili na Utalii kwa kushirikiana na na vijana wa  Tanzania Vision 2025 kwa kuwaalika watu maarufu hususan Wasanii  kwenye chakula cha jioni, Naibu Waziri Kanyasu amewataka wasanii hao watumie kalama na ushawishi walio nao katika kuhamasisha utalii wa ndani.

Amewataka wasanii hao wasijione kuwa wao ni watu Wanyonge badala yake wajiamini kwa vile ni watu wenye ushawishi mkubwa katika jamii kupitia kazi zao za Sanaa.
Share on Google Plus

About mwanaidinuhu

    Blogger Comment
    Facebook Comment

0 comments/maoni:

Post a Comment